呢一篇我用广州话写。随住我偿还畀阿庆嘅文章数目越嚟越多,啲阿猫阿狗,牛鬼蛇神走晒出嚟。特别係嗰啲九唔搭八,同呢件事同呢个圈冇咩关系嘅人,硬系唔知边度嚟嘅自信走出嚟也文也武。
我本来系唔识呢啲人嘅,后来先知道,佢哋明明唔系呢个圈子,又唔系啲乜嘢有料嘅人,但系佢哋就系好乐于去传播呢件事,又好乐于企喺我嘅对立面。企喺我嘅对立面好事啊,但系佢又唔敢企出嚟,鹌鹑咁喺佢自己个圈子度,偷偷摸摸笃背脊,真系又要威又要戴钢盔就系形容呢啲人。
我嘅作品得唔得都好,都一定比你哋得,比你偶像得就系啦。你开个酒吧仔,就好好做生意啦,几时轮到你出声啊,咁柒叻,开个号写文章发视频屌我,就叻仔啦。咁你又唔敢,个肚里边又冇墨水,你笑我写错别字,我就系写错别字,咁又点啊?你睇唔明啊?有人睇得明就得啦,你可以唔睇㗎,你做乜嘢走过嚟睇呢?真系物以类聚人以群分,我都未屌你你够胆屌我,哈哈哈。
你老味仲揾我去你度饮酒㖭,真系虚鸠伪。嗱我就摆明车马喺自己嘅公众号写,係人都睇到,你就缩埋一边喺度意淫,以为我睇唔到,点知大鸠把人截图俾我睇,你话你肉唔肉酸啊?不过冇所谓,讲道理你哋听唔明,讲音乐你哋又唔识,跟住啲撚样话我嘅作品唔得。音乐,你识咩?你偶像识咩?你哋识条铁音乐咩?我有几首歌你又知咩?你听过几多首啊?人讲你又讲。返铺头打啤酒啦。弹下Beyond,唱下谭咏麟咪几好。
嗱,我系广州人啊,我系好强调我喺广州出世啊,咁样又踩到你条尾呀?咁柒自卑嘅你傻仔,我边个都唔会睇唔起,边度人我都尊敬,边个地方嘅人我都唔会睇唔起,但系你除外,你直头失鸠礼啊。仲自称乜柒烂老师。好似你咁嘅人都够胆自称老师。你话核吾核突。
我就摆明车马写文章出嚟系人都睇到,你就同你嘅偶像一鸠模一鸠样,斯斯缩缩、猥猥琐琐,最柒叻就搞小动作。自己冇道理,理亏,就玩头数。真系失鸠败。所以话你哋一丘之貉,人以群分物以类聚,一班咁嘅嘢走埋一堆可以做啲咩出嚟?真系肉酸,真系核突,广州乐坛大毒瘤。
好啦讲捻完你班马甲,缩头乌龟啦。到主角。
小郭嗰边今日亦都好多古仔,唔知佢今日嘅文章会唔会又再次被投诉。佢发嘅第二季第一篇文章已经再次被投诉而下架。但另一个大瓜冲紧出嚟。
我仲系要用一丘之貉呢个词,我冇文化唔识字,冇其他更加好嘅形容词,所以用嚟用去都系一丘之貉。某乐队男主唱条女整出嚟嗰啲,自己条仔同摩xxx唱片公司某分支机构老总黄先生嘅女助理嘅微信倾偈截图,实在精彩。一丘之貉,就真系一丘之貉。就系可閪怜咗阿沈生咁鸠信你哋,比咁閪多银两你哋搞,你哋搞屎搞棍搞红搞绿搞黄,就系唔识搞音乐。
我唔识字呀,我冇文化,不过,我硬系靠直觉就可以认定,你哋唔系啲乜嘢好人啰。
三少生前同我讲咗对你嘅感觉:“生理性厌恶”,早喺差唔多20年前,就已经系咁。乐队中后期嘅音乐已经系喺外国制作、外国混音。我嘅第二张原创唱片《午后》,2006年喺国内录完音之后,亦都受三少嘅影响,将歌曲送到英国做混音同埋母带处理。但当时你哋乐队系会更加先锋,因为系电子音乐,所以喺其他制作方面,一样可以交俾外国先进制作人、混音师去搞!所以词曲创作,初步编曲系三少,唱系蒋凡,然之后攞出去外国做制作混音,早就已经冇乜嘢要劳烦你㗎啦。现在演出,出嚟做个样,做下圣斗士,收钱就系啦。
三少会将自己喺外国制作出嚟嘅作品半成品分享俾我,一齐研究一齐听一齐学习。嗰一段日子(零五年前后),系我飞速进步,系我同国际高水平制作人接轨合作嘅起点。因为有咗零六年英国做母带嘅经验,零七年,我乐队嘅第三张专辑,有更加多嘅制作成份交俾英国混音师去做。因为三少同我分享好多与国外制作人合作不可思议嘅经历。令我茅塞顿开。开启同国外音乐制作人合作嘅全新历程。
三少,如果你喺天上睇到我呢篇文章,你会有咩感想?嗰个你“生理性厌恶”嘅人,做紧嘅嘢,果然不出你所料。呢一刻,我感叹,原来你一早睇穿咗佢,做好晒一切防备,将自己嘅毕生佳作授权比最可靠最可信嘅人,但系无奈,道高一尺,魔高一丈………
所以,兄弟我,冇办法唔出手………啲牛鬼蛇神,我见一个砍一个,见两个斩一双……

正在加载留言……